Three Songs of Charles d’Orléans for unaccompanied mixed chorus.
Composed: 1898-08.
Texts by Charles d’Orléans. The first and third songs originated in 1898; the complete three-song...
Read more
Three Songs of Charles d’Orléans for unaccompanied mixed chorus.
Composed: 1898-08.
Texts by Charles d’Orléans. The first and third songs originated in 1898; the complete three-song collection took shape in 1908.
Text by Charles d’Orléans.
Movements:
1. Dieu ! qu’il la fait bon regarder
2. Quand j’ay ouy le tabourin sonner
3. Yver, vous n’estes qu’un vilain
Sung text (French original):
1. Dieu ! qu’il la fait bon regarder
Dieu, qu’il la fait bon regarder
La gracieuse, bonne et belle;
Pour les grans biens que sont en elle,
Chascun est prest de la loüer.
Qui se pourroit d’elle lasser?
Tousjours sa beauté renouvelle.
Dieu! qu’il la fait bon regarder,
La gracieuse, bonne et belle!
Par deça ne delà la mer,
Ne scay dame, ne damoiselle
Qui soit en tous biens parfais telle;
C’est un songe d’y penser.
Dieu, qu’il la fait bon regarder!
2. Quand j’ay ouy le tabourin sonner
Quant j’ai ouy le tabourin
Sonner pour s’en aller au may,
En mon lit n’en ay fait effray
Ne levé mon chef du coissin;
En disant: il est trop matin,
Ung peu je me rendormiray,
Quant j’ai ouy le tabourin.
Jeunes gens partent leur butin;
De Nonchaloir m’acointeray,
A lui je m’abutineray;
Trouvé l’ay plus prochain voisin,
Quant j’ai ouy le tabourin!
3. Yver, vous n’estes qu’un vilain
Yver, vous n’estes qu’un villain;
Esté est plaisant et gentil,
En tesmoing de May et d’Avril
Qui l’acompaignent soir et main.
Esté revest champs, bois et fleurs,
De sa livrée de verdure
Et de maintes autres couleurs,
Par l’ordonnance de Nature.
Mais vous, Yver, trop estes plain
De nège, vent, pluye et grézil;
On vous deust banir en essil.
Sans point flater, je parle plain,
Yver, vous n’estes qu’un villain!
Close